Երբ խոսքը գնում է աշխատողների ընդունմանը, ճիշտ պայմանագիր ունենալը չափազանց կարևոր է։ Աշխատողների հետ կնքվող պայմանագրերի տեսակները հասկանալը կարող է օգնել թե՛ գործատուներին, թե՛ աշխատողներին խուսափել վեճերից, ապահովել աշխատանքային օրենսդրության համապատասխանությունը և ի սկզբանե հաստատել աշխատանքային հարաբերություններ։

ՀՀ օրենսդրությունը նախատեսված է երկու կողմերի իրավունքներն ու շահերը պաշտպանելու համար՝ սահմանելով հստակ դրույթներ աշխատանքային պայմանների, արտոնությունների և լուծարման գործընթացների վերաբերյալ։ Սակայն ոչ ճիշտ ձևակերպված պայմանագրերը, կամ ավելի վատ՝ պայմանագրի բացակայությունը, կարող են հանգեցնել իրավական խնդիրների, ֆինանսական ռիսկերի և թյուրըմբռնումների։

Հետևաբար, կարևոր է ծանոթանալ պայմանագրերի տեսակներին և ապահովել, որ դրանք իրավաբանորեն ճիշտ կազմված լինեն։ Անկախ նրանից դուք գործատու եք, ով ցանկանում է աշխատող ընդունել, թե աշխատող, ով ուսումնասիրում է իր պայմանագիրը, մասնագիտական խորհրդատվությունը կարող է վճռորոշ լինել ձեր իրավունքներն ու պարտականությունները պաշտպանելու գործում։

Այժմ կդիտարկենք Հայաստանում աշխատողների հետ կազմվող պայմանագրերի տեսակները և դրանց առանձնահատկությունները։

Պայմանագրերի մասով ընդհանուր ակնարկ

Իրավական հարցեր

Հայաստանում աշխատանքային պայմանագրերը հիմնականում կարգավորվում են Աշխատանքային օրենսգրքով, որը սահմանում է երկու կողմերի իրավունքներն ու պարտականությունները, աշխատանքային ժամերը, լուծարման ընթացակարգերը և այլ դրույթներ։ Իսկ Քաղաքացիական օրենսգիրքը կարգավորում է կողմերի միջև ծառայությունների մատուցման դեպքերը (Քաղիրավական պայամանգրեր)։

Աշխատանքային հարաբերությունների վերահսկողությունը իրականացնում են մի քանի պետական մարմիններ, այդ թվում՝ Աշխատանքի տեսչական մարմինը, որը հետևում է աշխատանքային օրենսդրության պահպանմանը, ինչպես նաև դատարանները, որոնք լուծում են վեճերը, եթե աշխատանքային վեճեր են առաջանում։

Պայմանագրերի տեսակներ. Աշխատանքային թե՞ Քաղաքացիաիրավական պայմանագրեր

Բոլոր աշխատանքային հարաբերությունները միատեսակ չեն։ Հայաստանում պայմանագրերի երկու հիմնական տեսակ կա.

• Աշխատանքային պայմանագրեր – Սրանք համաձայնագրեր են գործատուի և աշխատողի միջև, որոնք ապահովում են սոցիալական պաշտպանություն, վճարովի արձակուրդներ և աշխատանքային այլ իրավունքների պաշտպանություն։ Դրանք պետք է պարտադիր գրավոր ձևով կնքվեն, քանի որ բանավոր պայմանավորվածությունները իրավական ուժ չունեն։
• Քաղաքացիաիրավական պայմանագրեր – Սրանք հիմնականում կիրառվում են առանձին ծառայությունների մատուցման կամ նախագծային աշխատանքի համար։ Ի տարբերություն աշխատանքային պայմանագրերի, դրանք չեն ապահովում արտոնություններ, ինչպիսիք են վճարովի արձակուրդը կամ սոցիալական ապահովությունը, քանի որ կարգավորվում են Քաղաքացիական օրենսգրքով, այլ ոչ թե Աշխատանքային օրենսգրքով։

Գործատուի և աշխատակցի պարտականությունները

Յուրաքանչյուր աշխատանքային պայմանագիր ենթադրում է պարտականություններ երկու կողմերի համար․

• Գործատուն պարտավոր է ապահովել անվտանգ աշխատանքային միջավայր, վճարել աշխատավարձը ժամանակին և հարգել աշխատակիցների աշխատանքային իրավունքները (օրինակ՝ տրամադրել հանգստի ժամեր, ամենամյա արձակուրդներ և ապահովել հարգալից վերաբերմունք):
• Աշխատակիցը պետք է բարեխղճորեն կատարել իր աշխատանքային պարտականությունները, հետևել ընկերության ներքին կանոնակարգին և պահպանել պրոֆեսիոնալիզմը աշխատավայրում։

Աշխատանքային և Քաղաքացիական Իրավունքի Պայմանագրերի Հիմնական Տարբերությունները

Հայաստանում աշխատակիցների հետ պայմանագրերի տեսակները հասկանալու համար կարևոր է տարբերակել աշխատանքային պայմանագրերն ու քաղաքացիաիրավական պայմանագրերը։ Չնայած երկուսն էլ կարգավորում են աշխատանքային հարաբերությունները, նրանց իրավական հետևանքները էապես տարբերվում են։

Աշխատանքային Պայմանագրեր՝ Աշխատանքային հստակ նորմերի սահմանում

Աշխատանքային հարաբերությունները կարգավորվում են «Աշխատանքային օրենսգրքով», ինչը նշանակում է, որ աշխատակիցները օգտվում են աշխատանքային իրավունքների նորմերով սահմանված իրավունքներից և կրում են այդ նորմերով սահմանված պատասխանատվություն։ Աշխատանքային պայմանագրերը կարգավորում են ոչ միայն աշխատանքի վերջնական արդյունքը, այլև դրա ընթացը՝ ներառյալ աշխատանքային ժամերի և հանգստի տևողուոթյունները, արտաժամերի ներգրավվման դեպքերը և վճարման կարգն ու ժամկետները, աշխատակցի և գործատուի պարտականությունները ու աշխատավայրում կանոնակարգերի սահմանումը, դրանց պահպանումն ու դրանց խախտման համար կիրառվող պատասխանատվության տեսակները:

Քաղաքացիաիրավական պայմանագրեր՝ աշխատանքի վերջնական արդյունքի սահմանում

Քաղաքացիաիրվական պայմանագրերը կարգավորվում են «Քաղաքացիական օրենսգրքով» և հիմնականում կիրառվում են ֆրիլանսերների, խորհրդատուների կամ նախագծային աշխատանքի համար։ Այս պայմանագրերը վերաբերում են բացառապես կատարված աշխատանքի կամ մատուցված ծառայության վերջնական արդյունքին՝ առանց աշխատանքի կատարման գործընթացը վերահսկելու։ Դրանք չեն նախատեսում աշխատանքային օրենսդրությամբ սահմանված իրավունքներ և դրանց պահպանում, օրինակ՝ աշխատանքային ժամերի սահմանում, ամենամյա արձակուրդի կամ հիվանդության արձակուրդի տրամադրում ու վճարում։

Ինչպես Տարբերել Աշխատանքային և Քաղաքացիաիրավական Հարաբերությունները

Կարևոր է հստակ հասկանալ ֆիզիկական անձի հետ կքնվող պայմանագրի տեսակը՝ խուսափելու համար վարչական պատասխանատվությունից կամ այլ հետևանքներից։ Մի շարք գործոններ օգնում են որոշել՝ անձը համարվում է ինքնազբաղված անձ, թե իրականում աշխատող է՝

• Գույքի Տիրապետում և Օգտագործում – Ինքնազբաղված անձինք սովորաբար օգտագործում են իրենց սեփական ռեսուրսները, մինչդեռ սովորաբար աշխատակիցներն աշխատում են ընկերության տրամադրած աշխատանքային գործիքներով (համակարգիչ, աշխատասեղան) և աշխատավայրով:
• Աշխատանքի Կատարաման Պարբերականություն և Պայմաններ – Աշխատակիցները սովորաբար աշխատում են պայմանագրով սահմանված աշխատանքային գրաֆիկով ու վարձատրվում են աշխատանքային ժամերի համար, մինչդեռ ինքնազբաղվածները իրենք են որոշում՝ երբ և ինչպես կատարել առաջադրանքը ու վարձատրվում են աշխատանքի արդյունքի դեպքում։
• Վերահսկողություն – Գործատուն որոշում է, թե ինչպես, երբ և որտեղ աշխատեն աշխատակիցները, մինչդեռ ինքնազբաղվածները գործում են ինքնուրույն։

Ճիշտ որոշում կայացնելու համար մի շարք մեթոդներ են կիրառվում, օրինակ՝ Մեծ Բրիատանիյի օրենսդրությամբ COFIRM և FAST մեթոդները։ Տվյալ մեթոդների մասին ավելին կարող եք իմանալ այստեղ։

Աշխատակիցներին Ինքնազբաղված Ներկայացնելու Իրավական Ռիսկերը

Հայաստանում անօրինական է, երբ գործատուն (պատվիրատուն) ֆիզիկական անձին ընդունում է աշխատանքի որպես ինքնազբաղված (Քաղաքացիաիրավական պայմանագրով), եթե փաստավի նա աշխատում է որպես աշխատակից՝ աշխատելով գործատուի գրասենյակում, հետևելով սահմանված աշխատանքային գրաֆիկին և ստանալով ժամավճար կամ ամսական աշխատավարձ։ Այս տեսակի պայմանագրի կիրառումն օգնում  գործատուին խոսուփել «Աշխատանքային օրենսգրքով» իր վրա դրած պարտականություններից, ինչպիսիք են՝ Ամենամյա արձակուրդի տրամադրումը, Հիվանդության նպաստների հաշվարկումը ու վճարումը։
Սխալ դասակարգումը կարող է հանգեցնել իրավական հետևանքների, ներառյալ տուգանքներ և պատժամիջոցներ։

Հայաստանում Աշխատանքային Պայմանագրերի Հիմնական Տեսակները

Հայաստանում աշխատանքի ընդունվելիս կամ ընդունելիս կարևոր է ընտրել ճիշտ աշխատանքային պայմանագիրը։ Յուրաքանչյուր տեսակ ունի իր կանոնները, առավելությունները և հնարավոր ռիսկեր։ Ահա առավել տարածված պայմանագրերի առանձնահատկությունները՝

Անորոշ Ժամկետով Աշխատանքային Պայմանագրեր – Ստանդարտ Տարբերակ

Այս տեսակը ամենատարածվածն է, քանի որ չունի ֆիքսված ավարտի ամսաթիվ։ Այն ապահովում է երկարաժամկետ աշխատանքային երաշխիքներ և ներառում է հիմնական դրույթներ, ինչպիսիք են՝

• Աշխատանքային պարտականությունները,
• Աշխատավարձը և դրա հաշվարկման կարգը,
• Աշխատանքային ժամերը,
• Լուծարման պայմանները։

Լուծարման Կանոններ

• Պայմանագիրը կարող է դադարեցվել՝ փոխադարձ համաձայնությամբ, աշխատակցի նախաձեռնությամբ (ազատման դիմում) կամ գործատուի կողմից՝ հիմնավորված պատճառներով։
• Ծանուցման ժամկետը սովորաբար մեկ ամիս է։
• Որոշ դեպքերում, օրինակ՝ ընկերության աշխատակիցների ու ծավալների կրճատումների դեպքում, նախատեսվում է փոխհատուցում (արձակման նպաստ)։
• Բոլոր դեպքերում նախատեսվում է չօգտագործված արձակուրդների փոխհատուցում (Վերջնահաշվարկ):

Հաճախակի վեճեր

• Օրենքով չսահմանված կարգով լուծարում,
• Ծանուցման ժամկետների խախտումներով լուծարում,
• Փաստաթղթերի ոչ լիարժեք փաթեթի ապահովում:

Խորհուրդ Պրոֆինից
Պայմանագրում և ծանուցումներում պետք է սահմանավեն լուծարման պայմանները, ժամկետները ու կարգը՝ խուսափելու իրավական խնդիրներից կամ դատական վեճերից։

Որոշակի ժամկետով Աշխատանքային Պայմանագրեր

Այս պայմանագրերը կնքվում են որոշակի ժամանակահատվածով կամ կոնկրետ աշխատանքի ավարտի համար։

Ե՞րբ Կիրառել
✔️ Նախագծային (project-based) աշխատանքներ
✔️ Սեզոնային աշխատանքներ
✔️ Մայրության կամ հիվանդության արձակուրդի փոխարինման դեպքեր

Իրավական Սահմանափակումներ

• Չի կարող օգտագործվել անորոշ ժամկետով աշխատանքների համար համար։
• Առավելագույն տևողությունը 5 տարի է (ներառյալ երկարաձգումները)։
• Եթե միևնույն աշխատակցի պայմանագիրը բազմիցս երկարաձգվում է առանց հիմնավորված պատճառի, այն ավտոմատ կերպով վերածվում է անորոշ ժամկետով պայմանագրի։

Հաճախակի վեճեր

• Չեն պահպանվում Որոշակի ժամկետով աշխատանքային պայմանագիր կնքնելու պայմանները։

Խորհուրդ Պրոֆինից
Որոշակի ժամկետով պայմանագրեր կնքելու դեպքում հստակ ուսումնասիրեք դրանք իրականացնելու նախադրյալները ու կքնելու և լուծելու կարգը՝ դրանք անորոշ ժամկետով չհամարվելու համար։

Կես դրույքով Աշխատանքային Պայմանագրեր – Քիչ աշխատանքային Ժամեր, Նույն Իրավունքները

Կես դրույքով պայմանագրերը նախատեսված են այն աշխատակիցների համար, ովքեր աշխատում են լրիվ դրույքի (Շաբաթական՝ 40 ժամ) համեմատ ավելի քիչ ժամեր, սակայն պահպանվում են աշխատանքային օրենսդրությամբ նախատեսված բոլոր իրավունքները։

Հաճախակի խնդիրներ

• Գործատուն շատ հաճախ առաջարկում է ժամային գրաֆիկով ձևակերպում աշխատանքային պայմանագրում, այլ ոչ թե շաբաթական 20 ժամ։

Խորհուրդ Պրոֆինից
Հետևեք, որ աշխատանքային պայմանագրում հստակ նշվեն աշխատավարձի հաշվարկման պայմանները և աշխատանքային ժամերը։

Ժամանակավոր Աշխատանքային Պայմանագրեր – Կարճաժամկետ, բայց Լիարժեք Իրավունքներով

Այս պայմանագրերը կիրառվում են, երբ ընկերությանը անհրաժեշտ է լրացուցիչ աշխատուժ կոնկրետ, կարճաժամկետ պահանջների համար՝ օրինակ խոշոր նախագծի, միջոցառման կամ բացակա աշխատակցի փոխարինման նպատակով։
Այս պայմանագրերը լայնորեն կիրառվում են գյուղատնտեսության, տուրիզմի և մանրածախ առևտրի ոլորտներում՝ սեզոնային ծանրաբեռնվածության ժամանակ։

Տևողության Սահմանափակումներ

• Պայմանագիրը չի կարող ավել լինել քան մինչև երկու ամիս ժամկետով,
• Չի կարող օգտագործվել մշտական պաշտոնի համար։

Աշխատակցի իրավունքները

• Աշխատակցին տրվում են նույն իրավունքներն ու պարտականությունները, ինչ որոշակի կամ անորոշամկետով կնքվող պայմանագրերինը։

Լուծարման Կանոններ

• Այս տեսակի պայմանագրի՝ ժամկետից շուտ լուծելու դեպքում արձակման նպաստ չի հաշվարկվում և չի վճարվում

Խորհուրդ Պրոֆինից
Պայմանագրում հստակ սահմանեք, որ պայմանագիրը ժամանակավոր է՝ խուսափելու համար թյուրըմբռնումներից ու պահպանելու Ձեր իրավունքները։

Փորձնակություն – Սովորել Աշխատանքի Ընթացքում

Փորձնակի հետ կնքվող պայմանագրերը (ինտերնշիփները) հնարավորություն են տալիս երիտասարդ մասնագետներին կամ առաջին անգամ աշխատանք փնտրողներին ձեռք բերել գործնական հմտություններ և փորձ իրական աշխատանքային միջավայրում։ Ի տարբերություն սովորական աշխատակիցների, ինտերնները աշխատանքի են ընդունվում ոչ միայն աշխատելու, այլև ուսուցման նպատակով։

Ո՞վ Է փորձնակը

• Սովորաբար՝ ուսանող, շրջանավարտ կամ փորձ ձեռք բերել ցանկացող անձ,
• Կարող է աշխատել առավելագույնը 5 օր շաբաթվա ընթացքում, 4 ժամ օրական, ընդհանուր՝ 20 ժամ շաբաթական։
• Պետք է ունենա համապատասխան ընդմիջումներ՝ հանգստի և սննդի համար։

Փորձնակի Իրավունքները և Գործատուի Պարտականությունները

• Փորձնակը ստանում է վկայագիր ձեռք բերված հմտությունների վերաբերյալ,
• Կարող է լինել չվճարվող, սակայն այս պայմանը պետք է նախապես համաձայնեցվի,
• Գործատուն պետք է կնքի գրավոր պայմանագիր (ոչ աշխատանքային պայմանագիր),
• Ինտերնշիփի առավելագույն տևողությունը 2 ամիս է և չի կարող երկարաձգվել։
• Ընկերությունում փորձնակների քանակը չի կարող գերազանցել ընդհանուր աշխատակազմի 10%-ը,
• Մինչև 18 տարեկան փորձնակների համար գործում են հատուկ կանոններ։

Հիմնական Տարբերությունները Աշխատանքային Պայմանագրերից

• Փորձնակները չեն ստանում աշխատանքային օրենսգրքով նախատեսված իրավունքներ, օրինակ՝ վճարովի արձակուրդ կամ սոցիալական վճարներ,
• Փորձաշրջանը չի համարվում պաշտոնական աշխատանքային ստաժ,
• Իրավունքները կարգավորվում են Քաղաքացիական օրենսգրքով, ոչ թե Աշխատանքային օրենսգրքով,
• Սահմանափակ աշխատանքային ժամեր և առանց երկարաձգման հնարավորություն՝ 2 ամիսից ավելի։

Խորհուրդ Պրոֆինից
Փորձնակ ներգրավելուց հետևեք պայմանագրում պարտադիր նշման ենթակա կետերին ու աշխատակիցների քանակի հարաբերակցությանը փորձնակների քանակի հետ։

Քաղաքացիաիրավական Պայմանագրեր

Ծառայությունների մատուցման պայմանագիրը քաղաքացիաիրավական պայմանագիր է, որը կիրառվում է ոչ աշխատանքային հարաբերությունների դեպքում։ Այս պայմանագրի հիմնական նպատակը արդյունքը ֆիքսել է ու դրա համար վճարելը, այլ ոչ թե վճարելը համաձայն աշխատողի աշխատած ժամերի։

Հիմնական Առանձնահատկությունները

• Ծառայությունը մատուցողը աշխատում է ինքնուրույն և գործատուի անմիջական վերահսկողության տակ չէ,
• Չի օգտվում վճարովի արձակուրդի, հիվանդության նպաստի, վերջնահաշվարկի կամ այլ իրավունքներից

Ո՞վքեր կարող են կիրառել

• Ֆրիլանսերներ (դիզայներներ, բովանդակություն ստեղծողներ, ծրագրավորողներ),
• Խորհրդատուներ և մասնագետներ, ովքեր առաջարկում են հատուկ ծառայություններ,
• Միանվագ նախագծեր, որոնք շարունակական աշխատանք չեն ենթադրում:

Ռիսկեր և Իրավական Հարցեր

Սխալ դասակարգում – Ծառայությունների մատուցման պայմանագրերը հաճախ օգտագործում են փոխարինելու աշխատանքային պայմանագրին։

Խորհուրդ Պրոֆինից
Կարևոր է հստակ տարբերակել աշխատանքային հարաբերությունները քաղիրավական հարաբերություններից՝ խուսափելու համար իրավական հետևանքներից:

Փորձաշրջան – Փորձաշրջանի սահմանումը աշխատանքային պայմանագրում

Փորձաշրջանը հնարավորություն է տալիս գործատուին գնահատել նոր աշխատակցի աշխատանքային որակները կամ աշխատակցին՝ ուսումնասիրելաշխատանքային միջավայրը և որոշում՝ արդյոք աշխատանքը համապատասխանում է իր ակնկալիքներին։

Ժամկետներ

• Փորձաշրջան կարող է տևել մինչև 3 ամիս։
• Օրենքով սահմանված դեպքում բացակայությունները չեն հաշվարկվում փորձաշրջանի մեջ, այդ թվում՝
  • Արձակուրդ (վճարվող կամ չվճարվող),
  • Հիվանդության պատճառով ժամանակավոր անաշխատունակություն,
  • Օրինական գործադուլին մասնակցություն,
  • Զինվորական վարժանքներ կամ մոբիլիզացիոն ծառայություններին մասնակցություն։

Աշխատակցի Իրավունքները Փորձաշրջանի Ընթացքում

• Աշխատանքային օրենսդրության բոլոր իրավունքներն ու պարտականությունները գործում են (աշխատանքային պայմաններ, աշխատավարձ, արտոնություններ)։
• Փորձաշրջանի ընթացքում աշխատանքից ազատումը պարզեցված է, սակայն պահանջվում է գրավոր ծանուցում։

Աշխատանքից Ազատում Փորձաշրջանի Ժամանակ

• Այն դեպքում, երբ գործատուն է սահմանել փորձաշրջան և փորձաշրջանի բացասական արդյունքներով որոշում է ազատել աշխատակցին, ապա ծանուցման ժամկետը 3 օր է,
• Այն դեպքում, երբ աշխատողն է սահմանել փորձաշրջան և փորձաշրջանի բացասական արդյունքներով որոշում է ազատվել աշխատանքից, ապա ծանուցման ժամկետը 3 օր է,
• Արձակման նպաստ չի նախատեսվում։

Կարևոր Նշում՝
Այն դեպքում, երբ գործատուն է սահմանել փորձաշրջան, ապա աշխատակիցը չի կարող ազատման մասին ծանուցել 3 օրվա ընթացքում, այլ պետք է պահպանի ծանուցման հիմնական ժամկետները։ Սակայն, երբ գործատուն է սահմանել փորձաշրջան, ապա գործատուն չի կարող ազատման մասին ծանուցել 3 օրվա ընթացքում։

Խորհուրդ Պրոֆինից
Հստակ նշեք փորձաշրջան սահմանողին և փորձաշրջանի ժամկետները ու երբ պայմանագիրը լուծարվում է փորձաշրջանի արդյունքներով, ապա պետք է պահպանվի փաստաթղթավորման կանոնները։

Աշխատանքային Պայմանագրերի Դադարեցում

Հայաստանում աշխատակիցների հետ պայմանագրերի կնքման դեպքում կարևոր է հասկանալ, թե ինչպես կարող են դրանք լուծվել համաձայն ՀՀ օրենսդրության:

Լուծարման Հիմքեր

Աշխատանքային պայմանագիրը կարող է լուծարվել հետևյալ ձևերով՝

• Աշխատողի նախաձեռնություն – Երբ աշխատակիցն ինքնակամ որոշում է լքել աշխատանքը,
• Փոխադարձ Համաձայնություն – Երբ երկու կողմերն էլ համաձայնվում են լուծել պայմանագիրը,
• Գործատուի նախաձեռնությամբ – ՀՀ աշխատանքային օրենսգրքով սահմանված դեպքեր, որոնք հնարավորություն են տալիս լուծել աշխատանքային պայմանագիրը։

Ծանուցման Ժամկետներ և Արձակման նպաստ

• Ստանդարտ ծանուցման ժամկետը 1 ամիս է, սակայն այն կարող է փոփոխվել՝ կախված կողմերի համաձայնությունից, ազատման հիմքից կամ ծանուցման ժամեկտներից,
• Արձակման նպաստ տրամադրվում է հստակ հիմքերով ազատման դեպքում, հիմնականում՝ գործատուի նախաձեռնությամբ ազատելու դեպքում:

Խորհուրդ Պրոֆինից
Պահպանեք ծանուցման համար կիրառվող ժամկետները և հիմքերը աշխատանքային պայմանագիրը լուծելու համար։

Աշխատանքային Պայմանագրերի Հետ Կապված Հաճախակի Վեճեր Հայաստանում

Հայաստանում աշխատակիցների հետ պայմանագրերի կնքման և կատարման ընթացքում կարող են առաջանալ իրավական վեճեր, հատկապես եթե պայմանագրերի, հրամանների կամ ծանուցումների դրույթները հստակ չեն կամ պատշաճ չեն պահպանվում։

Հաճախակի Խնդիրներ

• Անօրինական Ազատում – Աշխատանքից հեռացումներ առանց օրինական հիմքերի,
• Աշխատավարձի չվճարում – Գործատուների կողմից աշխատավարձի կամ դրան հավասարեցված վճարների սխալ հաշվարկում և չվճարում,
• Փորձաշրջանի արդյունքներով ազատում – Առանց աշխատանքային պայմանագրով սահմանված փորձաշրջանի արդյունքները ամփոփելու այդ հիմքով ազատում,
• Սխալ Դասակարգում – Աշխատակիցների համար աշխատանքային պայմանագրի փոխարեն քաղիրավական պայմանագրերի կիրառում։

Խորհուրդ Պրոֆինից
Մինչ աշխատանքային պայմանագրի լուծարումը կամ էական փոփոխություններ մտցնելը պայմանագրում՝ իրավաբանական խորհրդատվություն ստանալը կօգնի խուսափել թանկարժեք վեճերից և ապահովել համապատասխանությունը Հայաստանի աշխատանքային օրենսդրությանը։

Ինչպե՞ս Կազմել Աշխատանքային Պայմանագիր

Հայաստանում աշխատանքային հարաբերությունները կարգավորում են աշխատանքային օրենսգրքով, սակայն հատուկ աշխատանքային պայմանագրի ձև չկա։ Չնայած դրան կան աշխատանքային պայմագրում պարտադիր ներառման ենթակա տվյալներ։

Հիմնական Պայմանները, Որոնք Պետք է Ներառել պայմանագրում

• Պաշտոնն ու Պարտականությունները – Հստակ սահմանեք աշխատակցի դերը և/կամ աշխատանքային պարտականությունները,
• Աշխատավարձն ու Դրա հաշվարկումը – Նշեք աշխատավարձի չափը և դրա որոշման ձևը,
• Աշխատաժամանակի ռեժիմը և շաբաթական տևողությունը – Ներկայացրեք աշխատանքային գրաֆիկը, ընդմիջումները և արձակուրդի իրավունքները,
• Փորձաշրջանը – Պետք է նշում կատարեք փորձաշրջանի ու դրա ժամկետների մասին,
• Ժամկետները – Պետք է նշեք թե երբ է կնքվում պայմանագիրը, ինչ ժամկետով,

Խորհուրդ Պրոֆինից
Աշխատանքային պայմանագիրը կազմելիս կարևոր է խորհրդակցել իրավաբանի հետ, որպեսզի ապահովվի դրա համապատասխանությունը ՀՀ աշխատանքային օրենսդրությանը և նվազեցվի ապագա վեճերի ռիսկը։

Հաճախակի Կիրառով Սխալներ, Որոնցից Կարելի է Խուսափել

• Աշխատանքային պարտականությունների չսահմանում – Կարող է հանգեցնել վեճերի՝ կապված աշխատակցի պարտականությունների հետ,
• Լուծարման պայմանների և/կամ ծանուցման ժամկետների խախտում – Կարող է բերել ազատման որոշման վիճարկման դատարանում,
• Աշխատանքային հարաբերությունների սխալ դասակարգում – Երբ աշխատանքային հարաբերությունները ձևակերպվում են որպես քաղաքացիաիրավական ու առաջանում են վեճեր, որոնք կարող են վերածվել մինչև դատական հայցերի։

Խորհուրդ Պրոֆինից
Մինչև պայմանագրի վերջնական հաստատումը, խորհրդակցեք իրավաբանի հետ, որպեսզի այն համապատասխանի ՀՀ աշխատանքային օրենսդրությանը և օգնի կանխել հնարավոր ֆինանսական և իրավական ռիսկերը։

Հաճախ Տրվող Հարցեր Աշխատանքային Պայմանագրերի Մասին

Կարո՞ղ է Փորձնակը պահանջել աշխատավարձ Հայաստանում։
Ոչ, եթե փորձնակը և գործատուն փոխադարձ համաձայնության են գալիս, ապա ինտեռնշիփը կարող է լինել անվճար։ Սակայն գործատուն կարող է որոշել վճարել փորձնակին։

Ի՞նչ կլինի, եթե որոշակի ժամկետով պայմանագիրը բազմիցս երկարաձգվի։
Եթե որոշակի ժամկետով պայմանագիրն անընդհատ երկարացվում է առանց հիմնավոր պատճառի, ապա այն կարող է օրենսդրորեն վերաորակվել որպես անորոշ ժամկետով պայմանագիր՝ համաձայն ՀՀ աշխատանքային օրենսդրության։

Արդյո՞ք բանավոր աշխատանքային պայմանագրերը ուժ ունեն Հայաստանում։
Ոչ, աշխատանքային պայմանագրերը պետք է կազմվեն գրավոր, որպեսզի օրինական ուժ ունենան։ Բացառություն կարող են լինել կարճաժամկետ աշխատանքները (մինչև 30 օր), որոնց դեպքում բանավոր պայմանավորվածությունները կարող են լինել վավեր։

Որքա՞ն կարող է տևել փորձաշրջանը։
Սովորաբար՝ մինչև 3 ամիս, բայց որոշ դեպքերում այն կարող է երկարաձգվել մինչև 6 ամիս։ Որոշ բացակայությունները (օրինակ՝ անաշխատունակության արձակուրդ, անպատճառ բացակայություն) չեն հաշվարկվում փորձաշրջանի մեջ։

Ինչպե՞ս կարող է Պրոֆին Քընսալթինգը օգնել ձեզ աշխատանքային պայմանագրերի մասով

Հայաստանում աշխատողների հետ պայմանագրերի տեսակները հաճախ բարդ կարող են լինել, բայց Պրոֆին Քընսալթինգը այստեղ է՝ գործընթացը դարձնելու պարզ ու իրավական առումով համապատասխան։ Մեր մասնագետների թիմը հմուտ է  «Աշխատանքային Օրենքներում» և կարող է օգնել թե՛ գործատուներին, թե՛ աշխատողներին խուսափել իրավական սխալներից։

Մեր ծառայությունները

• Պայմանագրերի մշակում և վերանայում – Մշակելու ենք պայմանագրեր, որոնք հստակ, իրավաբանորեն հիմնավոր և համապատասխան են ձեր պահանջներին,
• Իրավական վեճերի լուծում – Օգնում ենք լուծել վեճեր և ապահովում ենք համապատասխանություն ՀՀ Աշխատանքային Օրենսգքրին,
• Անհատական խորհրդատվություն – Տալիս ենք խորհրդատվություն աշխատանքային պայմանագրերի, փորձնակների հետ կքնվող պայմանագրերի ու քաղիրավական պայմանագրերի մասով։

Ինչու՞ ընտրել Պրոֆին Քընսալթինգը

Մեր փորձառու մասնագետները ապահովում են պայմանագրերի համապատասխանատությունը ՀՀ օրենսդրությանը և պատասխանատվություն են կրում դրանց մասով առաջացող վեճերի համար։

Ամփոփում

Իրավականորեն համապատասխան ու ճիշտ աշխատանքային պայմանագիր ունենալը միայն փաստաթղթաշրջանառության հարց չէ։ Դա ձեր իրավական դաշտում պաշտպանության հարցն է, թե՛ գործատու, թե՛ աշխատակից լինելու դեպքում։

Եթե դուք գործատու եք, ճիշտ պայմանագիր ունենալ նշանակում է ավելի քիչ գլխացավանք ապագայում։ Իսկ եթե աշխատակից եք, ձեր իրավունքներն իմանալը ապահովում է հանգստություն։

Ինչո՞ւ պետք է ռիսկի դիմել այսքան կարևոր հարցում։ Թող Պրոֆինը հոգա իրավական հարցերը, որպեսզի դուք կարողանաք կենտրոնանալ հաջող և անհոգ աշխատանքային հարաբերությունների ստեղծման վրա։