Մենք առաջարկում ենք հաշվապահական ծառայություններ համաձայն միջազգային ստանդարտների և ՀՀ հարկային օրենսդրության։ Միջազգային ստանդարտների կիրառումը ապահովում է հաշվետվությունների համեմատելիություն և կարող է լիարժեք պատկեր տալ ընկերության ֆինանսական վիճակի մասին։ Միջազգային ստանդարտները թույլ են տալիս ներդրումների կամ վարկերի ստացման պարագայում ունենալ արդեն ստանդարտացված ֆինանսական հաշվետվություններ։ Հայաստանի Հանրապետությունում ֆինանսական հաշվառման վարումն իրականացվում է համաձայն IFRS (International Financial Reporting Standards)։
Համաձայն IFRS ստանդարտների հաշվապահական հաշվառումն իրականացնելիս կազմում ենք Հաշվապահական Հաշվեկշիռ (Balance sheet), որը հնարավորություն է տալիս հասականալ ինչ ակտիվներ ունի ընկերությունը և որտեղից են առաջացել այդ ակտիվները։ Հաջորդ ֆինանսական հաշվետվությունը շահույթ/վնասի մասին հաշվետվությունն է (P&L), որը հնարավորություն է տալիս հասկանալ հաշվետու ժամանակաշրջանի գործունեության արդյունքները։ Ֆինանսական հաշվետվությունների հաջորդ տեսակն է դրամական հոսքերի մասին (cash flow report) հաշվետվությունը, որը թույլ է տալիս հասկանալ ընկերության դրամական միջոցների շարժը։ Ֆինանսական հաշվետվությունները եզրափակում է Սեփական կապիտալում տեղի ունեցող փոփոխություններ (statements of owner equity) հաշվետվությունները։
Հաշվապահության վարում համաձայն միջազգային ստանդարտների նշանակում է ուսումնասիրել, վերլուծել և կազմել հաշվապահական քաղաքականություն։ Եթե IFRS-ը մեզ հնարավորություն է տալիս հասկանալ դատողություն անելու սկզբունքները, ապա հաշվապահական քաղաքականությունը ներկայացնում է հաշվապահի կամ հաշվապահական ծառայություններ մատուցող ընկերության դատողությունների ամբողջությունը։ Սրա մասով իրականացվում են նշումներ ֆինանսական հաշվետվություններում (footnotes).
Պրոֆինում ֆինանսական հաշվառումն իրականացվում է թե հայկական (Armsoft, Mekum), թե միջազգային (Zoho Books, Xero) հաշվապահական հաշվառման ծրագրերով։ Ճկունությունը հաշվապահական հաշվառման ծրագրի ընտրության հարցում թույլ է տալիս մեր հաճախորդներին ստանալ տարատեսակ վիճակագրական տվյալներ և հաշվետվություններ, որոնք հնարավորություն են ընձեռում վերլուծել ու հասկանալ ընկերության ֆինանսական վիճակը:
Հարկային հաշվառումը իրականացվում է ՀՀ օրենսդրության համաձայն։ Հարկային հաշվառման վարումը օրենսդրությանը համապատասխան իրականացնելու համար մենք ամենօրյա ռեժիմով հետևում ենք օրենսդրական թարմացումներին ու դրանց մասին պարբերաբար տեղեկացնում ենք մեր հաճախորդներին։ Հարկերի ճիշտ հաշվարկը և ժամանակին վճարումը զերծ է պահում կամերալ ուսումնասիրություններից, թեմատիկ և համալիր ստուգումներից։