Եթե պատրաստվում եք բիզնես սկսել Հայաստանյան շուկայում, հարկային դաշտին ծանոթանալը առաջին կարևոր քայլերից է։ Հայաստանի նման զարգացող շուկաներում ճիշտ տեղեկատվությունը կարող է բերել մեծ առավելությունների։ Բարենպաստ գործնական միջավայրը, պարզեցված ընթացակարգերն ու հատուկ արտոնությունները այստեղ գործը հեշտացնում են թե՛ տեղական, թե՛ օտարերկրյա ընկերությունների համար։ Առանձնապես շահեկան պայմաններ կան ստարտափների, փոքր ու միջին բիզնեսների, ինչպես նաև ՏՏ ոլորտի ներկայացուցիչների համար։
Այս հոդվածում կպարզաբանենք՝ ինչպիսին է Հայաստանի հարկային համակարգը, ինչ հարկեր են գործում, որոնք են ազատ տնտեսական գոտիները, և ինչ արտոնություններ են տրամադրվում ՏՏ ընկերություններին։ Եվ իհարկե, կտանք պրակտիկ խորհուրդներ՝ ճիշտ ու առանց ռիսկերի գործունեություն ծավալելու համար։
Հայաստանի հարկային համակարգով հետաքրքրված մարդկանց համար հաճելի անակնկալ կա. այն բավական պարզ ու ընկալելի է։ Անկախ նրանից՝ դուք տեղացի ձեռնարկատեր եք, թե oտարերկացի ներդրող, այստեղի հարկային կանոնները շատ պարզ են։ Իսկ հարկային հաշվարկը՝ համեմատած բազմաթիվ այլ երկրների, այստեղ նույնպես շատ ավելի հեշտ է։
📌 Թափանցիկ օրենքներ – Հարկային և գործարար կանոնակարգերը հստակ են ու հասկանալի՝ թե՛ հայաստանաբնակների, թե՛ օտարերկրացի ներդրողների համար։ Դրա շնորհիվ հարկային պլանավորումն ու օրինական գործունեությունը դառնում են շատ ավելի կանխատեսելի։
📌 Քիչ բյուրոկրատիա – Թղթաբանության հետ կռիվ տալու կարիք չկա։ Հայաստանում հարկային գործընթացները հնարավոր է կարգավորել առցանց՝ նվազագույն փաստաթղթերով։ Համեմատած տարածաշրջանի շատ այլ երկրների՝ հարկային ընթացակարգերն այստեղ բարդություն չեն ստեղծում։
Հայաստանի հարկային համակարգը ուղղված է բիզնեսի աճին ու զարգացմանը՝ հատկապես փոքր և միջին բիզնեսի համար։ Բացի դրանից, կան ազատ տնտեսական գոտիներ (tax-free zones), որոնք Հայաստանը դարձնում են առավել գրավիչ ներդրումների համար
5% շահաբաժնիհարկ․
Հայաստանում վճարվող շահաբաժինները, լինի ռեզիդենտների, թե ոչ ռեզիդենտ իրավաբանական անձանց, հարկվում են ընդամենը 5%-ով։ Սա խթանում է ներդրումները և շահույթի վերաբաշխումը երկրի ներսում։
Ոչ ռեզիդենտ ֆիզիկական և իրավաբանական անձինք․
Նրանց դեպքում դիվիդենտներից պահվող հարկի դրույքաչափը կախված է երկու երկների միջև կնքված կրկնակի հարկումը բացառող համաձայնագրերից, ուստի կարևոր է նախապես ճշտել Ձեր կոնկրետ դեպքի պայմանները։
Հայաստանում մինչև 2027 թվականի վերջ կորպորատիվ պարտատոմսերից ստացվող եկամուտները ազատված են եկամտային հարկից։Այսինքն՝ թե՛ նոր, թե՛ գործող պարտատոմսերը կարող են ստեղծել պասիվ եկամուտը, որը ենթակա չէ հարկման։ Սա մեծ առավելություն է ներդրողների համար։ Բացի դրանից, պետական պարտատոմսերն էլ ենթակա չեն հարկման թե՛ ռեզիդենտների, թե՛ ոչ ռեզիդենտների համար՝ խթանելով կապիտալի շուկայի զարգացումը։
Հայաստանում հարկային հայտարարագրեր և հաշվարկներ ներկայացնելը հարկային կարգապահության կարևոր մասն է։ Կարևոր է հստակ իմանալ՝ ո՞վ պետք է ներկայացնի, ե՞րբ, և ի՞նչ կարող է տեղի ունենալ, եթե չներկայացվի։ Սա հնարավորություն կտա գործել առանց խախտումների ու ավելորդ տուգանքների։
Օրինակ՝ ԱԱՀ հարկային հաշվարկիվերջնաժամկետն է հաշվետու ամսվան հաջորդ ամսվա 20-ը, իսկ շահութահարկինը՝ ապրիլի 20 (նախորդ տարվա համար)։
Հայտարարագրի կամ հարկային հաշվարկի ուշ ներկայացումը կամ սխալ տվյալներ տրամադրելը կարող է հանգեցնել տուգանքների, տույժերի, իսկ որոշ դեպքերում՝ նույնիսկ բիզնեսի գործունեության ժամանակավոր կասեցման։
Ժամանակին հաշվետվություն ներկայացնելը և փաստաթղթերը ճիշտ վարելը կարևոր է, որպեսզի պահպանեք լավ հարաբերություններ հարկային մարմինների հետ և խուսափեք տհաճություններից։
Եթե ուզում եք իմանալ, թե ինչպես խնայել և ավելի արդյունավետ կազմակերպել հաշվետվությունները, խորհուրդ ենք տալիս կարդալ Պրոֆինի «Tax Saving Tips» հոդվածը։ Այն հարմար և գործնական ուղեցույց է՝ համակարգը առավել արդյունավետ օգտագործելու համար։
Կառավարությունը վերջին տարիներին ներդրել է մի շարք կարևոր հարկային արտոնություններ՝ խթանելու ՏՏ ոլորտի զարգացումը։ Եթե դուք ղեկավարում եք ՏՏ ընկերություն, այս արտոնությունները կարող են լուրջ ազդեցություն ունենալ ձեր շահույթի վրա՝ հատկապես եկամտային հարկի տարեկանհայտարարագիր ներկայացնելիս։
Այս արտոնությունները ներդրվել են 2025 թվականից և հանդիսանում են Հայաստանի ՏՏ հարկային քաղաքականության հիմնական բաղադրիչ՝ խթանելու նորարարությունը և ներգրավելու ոլորտի լավագույն մասնագետներին։
Բիզնեսի համար ամենամեծ արտոնություններից մեկը արտահանման վրա գործող 0% ԱԱՀ-ն է։ Սա Հայաստանը դարձնում է շատ հարմար վայր այն ընկերությունների համար, որոնք կենտրոնացած են միջազգային շուկաների վրա։
Դրանք հատուկ տարածքներ են, որտեղ գործող ընկերությունները օգտվում են ԱԱՀ ու Շահութահարկից , մաքսային տուրքերի և գույքահարկի զրոյական դրույքաչափերից կամ լրիվ ազատվում են այդ մասով հարկերի վճարման պարտավորություններից։
Այս գոտիները նախատեսված են օտարերկրյա ներդրումներ ներգրավելու և խթանելու բարձր տեխնոլոգիական, արտադրական և Գիտական հետազոտությունների և Փորձարարական մշակումների աշխատանքների (R&D) ոլորտները։
Հայաստանում հարկային համակարգը կարող է պարզ թվալ, սակայն արտոնություններից լիարժեք օգտվելու և սխալներից խուսափելու համար անհրաժեշտ է լավ հասկանալ տեղի օրենքներն ու կարգավորումները։ Անկախ նրանից՝ փոքր բիզնեսի սեփականատե՞ր եք, միջազգային ընկերության հիմնադի՞ր, թե՞ ՏՏ ոլորտի ներկայացուցիչ, փորձառու խորհրդատվությունը կարող է վճռորոշ լինել՝ ձեր հարկային հաշվարկները ճիշտ և ժամանակին ներկայացնելու հարցում։
Այստեղ է, որ Profin.am-ը գալիս է օգնության։ Մենք խորապես տիրապետում ենք Հայաստանի հարկային օրենսդրությանը և տրամադրում ենք անհատականացված աջակցություն՝ օգնելու ճիշտ ընտրել հարկային ռեժիմը և ապահովել հաշվետվությունների ճշգրտությունը։ Մեր համալիր ծառայությունները ընդգրկում են ամեն ինչ՝ սկսած ընկերության գրանցումից և հարկային հաշվարկի ներկայացումից մինչև ֆինանսական աուդիտի աջակցություն և շարունակական խորհրդատվություն։ Մենք հուսալի գործընկեր ենք ցանկացած չափի բիզնեսի համար։
Հայաստանում բիզնես վարելիս հարկային համակարգը և՛ պարզ է, և՛ նպատակային խթաններով լի։ Ցածր շահութահարկը, թափանցիկ կանոնակարգերը և հատուկ արտոնությունները հիմնական ոլորտների համար՝ հատկապես տեխնոլոգիաների և արտահանման, դարձնում են երկիրը գրավիչ ստարտափների, ՓՄՁ-ների և օտարերկրացի ներդրողների համար։
ՏՏ ընկերությունների հարկային արտոնությունների համակարգով, ազատ տնտեսական գոտիներով կամ բիզնես վարելու ընդհանուր պարզությամբ համակարգը կառուցված է այնպես, որ խթանի աճն ու նորարարությունը։ Իսկ ճիշտ խորհրդատվության դեպքում դուք կարող եք բացահայտել ձեր բիզնեսի համար առավել մեծ հնարավորություններ։
© 2025 . Բոլոր իրավունքները պաշտպանված են:
Մշակված է Beebrand.Agency-ի կողմից