1974թ. և դրանից հետո ծնված անձինք պարտադիր պետք է մասնակցեն կուտակային կենսաթոշակին:

Մինչ 1974թ. ծնվածների, ինչպես նաև ինքնազբաղված անձանց մասնակցությունը կամավոր է:

Պարտադիր կուտակային վճարի չափը կազմում է անձի բազային եկամուտի 10%-ը:

2023թ. հունվարի 1-ից պարտադիր մասնակիցների համար գործում են հետևյալ կարգավորումները.

Եթե բազային եկամուտը 500,000 դրամից քիչ է, ապա 5%-ը վճարում է անձը, իսկ մյուս 5%-ը` պետությունը:
Եթե բազային եկամուտը 500,000 - 1,125,000 դրամ է, պետությունը վճարում է 25 000 դրամ, իսկ մասնակիցը` 25 000-ի և իր եկամուտի 10%-ի տարբերությունը:
Եթե բազային եկամուտը 1,125,000 դրամից շատ է, ապա պետությունը վճարում է 25,000 դրամ, իսկ անձը` 87,500 դրամ:
Մինչև 2018թ. հուլիս կուտակային համակարգին կամավոր միացած անձանց համար գործում են նույն պայմանները։

2018թ. հուլիսից համակարգին կամավոր միացած անձանց համար գործում են հետևյալ կարգավորումները.

Եթե բազային եկամուտը չի գերազանցում 1,125,000 դրամը, կուտակային վճարի չափը 5% է:
Եթե բազային եկամուտը գերազանցում է 1,125,000 դրամը, կուտակային վճարի չափը 56,250 դրամ է։

Օգտակար հղումներ
«Կուտակային կենսաթոշակների մասին» ՀՀ օրենք
«Կուտակային կենսաթոշակների մասին» ՀՀ օրենքում փոփոխություն կատարելու մասին (25.06.2019)

2026թ. հունվարի 1-ից Զինծառայողների ապահովագրության հիմնադրամի դրոշմանիշային վճարները կատարվում են հետևյալ դրույքաչափերով.

Մինչև 1,000,000 դրամ բազայի դեպքում՝ 1000 դրամ
1,000,001 դրամ և ավելի բազայի դեպքում՝ 15 000 դրամ
Անհատ ձեռնարկատերերի, նոտարների և որոշ դեպքերում վճարը կարող է հասնել 120 000 դրամի` կախված հաշվարկման բազայից:

Օգտակար հղում
«ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» ՀՀ օրենքում փոփոխություններ ու լրացումներ կատարելու մասին

Պարտադիր առողջապահական ապահովագրության համակարգի շրջանակում աշխատողների համար սահմանվում են հետևյալ վճարները․

Մինչև 200 000 դրամ աշխատավարձի դեպքում՝ առողջապահական ապահովագրության վճար չի գանձվում
200 001 – 500 000 դրամ աշխատավարձի դեպքում՝ առողջապահական ապահովագրություն՝ 4 800 դրամ, որին պետության կողմից կավելացվի ևս 6 000 դրամ
500 001 դրամ և ավելի աշխատավարձի դեպքում՝ առողջապահական ապահովագրություն՝ 10 800 դրամ

Օգտակար հղում
Պարտադիր առողջապահական ապահովագրություն PDF